Ipinagdiwang ng Centro Escolar Integrated School (CEIS) Malolos ang Buwan ng Wika at Kasaysayan na may temang, “Pagpapalaya sa Kasaysayan at Kapayapaan sa Seguridad ng Filipino at mga Katutubong Wika: Kasangkapan sa Ingklusibong Pagpapatupad ng Katarungang Panlipunan,” noong Biyernes, ika-walo ng Septyembre sa CEU Centrodome. 

Ito ang kauna-unahang opisyal na co-curricular event na isinagawa ng paaralan para sa Taong Panuruan 2023-2024. Dinaluhan ng mga mag-aaral sa ika-11 at ika-12 na baitang ang nasabing pagdiriwang.

Opisyal na sinimulan nina Bb. Marly Nicorina Lopez at G. John Dale Gumba ang programa, kanila ring ipinaabot ang mainit na pagbati sa mga guro, kawani, at mga mag-aaral. Kasunod ng pag-awit ng Pambansang Awit sa ilalim ng direksyon ni Bb. Zhaina Maria Cailles at ang pambungad na panalangin na pinangunahan ni Bb. Florabel Love Geronimo, ipinahayag naman ni Bb. Abigail DC. Espineda, punong-guro ng CEIS SHS, ang kanyang pambungad na mensahe.

Naganap ang kompetisyon sa pag-awit na pinamagatang "Ang Tinig" sa ikalawang bahagi ng palatuntunan. Pormal na ipinakilala ni Bb. Lopez and G. Gumba ang mga hurado at ang mga kalahok. Pinili mula sa online elimination round na naganap ilang araw bago ang nasabing pagdiriwang ang walong kalahok. 

Sa pagitan ng programa, nagbigay ng pampasiglang bilang si G. John Lloyd Gonzales mula sa HUMSS 12-A at ang mga nagwagi sa kompetisyon sa Spoken Poetry kung saan ipinahayag nila ang kanilang pagmamahal sa bayan sa anyo ng pagsulat at pagtatanghal.

Bago ang pag-anunsyo ng mga nagwagi, ipinakilala ang mga piling mag-aaral at guro na nagsusuot ng pinakakatangi-tanging tradisyonal na kasuotang Pilipino. 

Ang mga nagwagi mula sa mga kompetisyon sa Tagisan ng Talino, Paglikha ng Poster (Tradisyonal at Digital), Talumpating Handa, Spoken Poetry, Kasuotang Pilipino, at Ang Tinig ay inihayag kaagad pagkatapos noon. Ang mga nanalo ay ang mga sumusunod: