Buong sigla’t puso na ipinagdiwang ng mga mag-aaral sa junior high school (JHS) ng Centro Escolar Integrated School (CEIS) Malolos ang Buwan ng Wikang Filipino at Kasaysayan na mayroong tema na "Mapagpalayang Wikang Filipino: Salamin ng Salaysay ng Bayan at Saysay ng Bansa" noong hapon ng Huwebes, ika-29 ng Agosto 2024 sa CEU Centrodome.  

Opisyal na nagsimula ang pagdiriwang nang umapak sina G. Jerald Mari Caparas at G. John Michael Flores sa palatuntunan upang gabayan ang daloy ng programa at bigyan ng mainit na pagbati ang mga mag-aaral, guro, at kawani na dumalo sa pagtitipon. Sinundan ito ng pambungad na panalangin ni Bb. Wendylyne Entoma, at ang pag-awit ng Pambansang Awit na Lupang Hinirang. Nagpahayag si Gng. Teresita De Leon, Katuwang na Punongguro ng CEIS, ng kanyang pambungad na mensahe na sumasalamin sa tema ng programa na sinundan ng maikling pagtatanong sa mga mag-aaral tungkol sa kasaysayan ng Pilipinas. 

Bago simulan ang pagpaparangal ng mga nagwagi, may ihinandang espesyal na pagtatanghal ang mga piling guro mula sa departmento ng JHS. Tunay na humanga ang madla sa kanilang nakakikilig na pagharana gamit ang  patok na awiting “Para sa Akin” ni Sitti. 

Upang bigyang-pansin at pagkilala ang husay ng mga mag-aaral sa sining at panitikan, pinarangalan na ang mga nagwagi at itinanghal ang kanilang mga gawa sa paglikha ng poster gamit ang tradisyunal (watercolor) at digital na pamamaraan. Gayundin ay ipinamalas na rin ang husay ng mga nagwagi sa pagsulat at pagbigkas ng tula. 

Ang sumusunod ay ang mga nagwagi: 

TIMPALAK SA PAGLIKHA NG POSTER (WATERCOLOR)

Unang Gantimpala

• Ashti Arpafo (8-Wisdom)

Ikalawang Gantimpala

• Chloe Isabelle Ruado (8-Kindness)

Ikatlong Gantimpala

• Bien Gabrielle Ancheta (10-Serenity)

TIMPALAK SA PAGLIKHA NG POSTER (DIGITAL)

Unang Gantimpala

• Angeluo  Alayon (10-Felicity)

Ikalawang Gantimpala

• Higen Bantug (7-Faith)

Ikatlong Gantimpala

• Reybelle Rayco (7-Peace)

TIMPALAK SA PAGSULAT NG TULA

Unang Gantimpala

• Lowell Rosdan Pagdanganan  (10-Felicity)

Ikalawang Gantimpala

• Kim Andrea Domingo (7-Peace)

Ikatlong Gantimpala

• Zoe Ceazar Bernardino (9-Empathy)

Ikaapat na Gantimpala

• Mhairie Mischa Paolene Cruz (10-Serenity)

TIMPALAK SA PAGBIGKAS NG TULA

Unang Gantimpala

• Janiyah M. Butiu (10-Serenity)

Ikalawang Gantimpala

• Ralph Miguel Soliven (9-Fortitude)

Ikatlong Gantimpala

• Anderson James Cruz (9-Empathy)

Ikaapat na Gantimpala

• Arda Can Sahin (10-Felicity)

Bilang pampagising at pampasigla sa madla, nagpamalas ng husay sa pagsayaw ang mga piling mag-aaral mula sa JHS sa kanilang pagliliyab ng entablado gamit ang ilan sa mga katutubong sayaw ng bansa. 

Sinundan ito ng pagpaparangal sa mga nagwagi sa pagsulat ng sanaysay. Kasunod na kinilala ang mga nagwagi sa talumpating handa at sa solo at duwetong pag-awit kung saan sumampa sila sa entablado at tinanghal ang kanilang husay at talento. Ang sumusunod ay ang mga nagwagi:

TIMPALAK SA PAGSULAT NG SANAYSAY

Unang Gantimpala

• Francesca Mari  Mamaril (10-Serenity)

Ikalawang Gantimpala:

• Ingrid Castro (10-Felicity)

Ikationg Gantimpala:

• Miguel Christophe Arellano (9-Charity)

TIMPALAK SA TALUMPATING HANDA

Unang Gantimpala

• Faith Paulene Cruz (7-Peace)

Ikalawang Gantimpala

• Allyza Kenzie Singca (9-Fortitude)

Ikatlong Gantimpala

• Sophia Aparecion Franco (9-Empathy)

TIMPALAK SA SOLONG PAG-AWIT

Unang Gantimpala

• Erin Caiomhe Obrador (10-Felicity)

TIMPALAK SA DUWETONG PAG-AWIT

Unang Gantimpala

• Jiro Yoshiwa T. Hayano, Rhiana Sofia Q. Pablo (9-Fortitude)

Ikalawang Gantimpala

• Aamie Xylamae P. Bernardo, Stevie Mae V. Simeros (10-Felicity)

Ikatlong Gantimpala

• Jemima Julia H. Maglalang, Janina Mauriz S. Santos (9-Empathy)

Matapos ang kahanga-hanga at nakahuhumaling na pagtatanghal at pagpaparangal sa mga nagwagi sa iba’t ibang paligsahan ng Buwan ng Wikang Filipino at Kasaysayan. Ibinida at ipinagmalaki ng mga mag-aaral ang kanilang mga kasuotang Pilipino sa pamamagitan ng pamamarada sa Centrodome. Nang matapos ang parada ay kinilala ang ilang mga mag-aaral, isang binibini at isang ginoo, sa bawat pangkat sa kanilang natatanging kasuotan. Ang sumusunod ay ang mga kinilalang mag-aaral:

TIMPALAK SA NATATANGING KASUOTAN

• Ryem Hzap De Guzman, Caleb Ezekiel Velasquez (7-Faith)

• Hannah Sofia Codilla, Inigo Valenzuela (7-Hope)

• Reybelle Rayco, Lawrence James Alido (7-Peace)

• Keith Chelsie Cajucom, Glenn Yosef Aguilar (8-Kindness)

• Sofia Isabel Pagunsan, Clarence Myk Tolentino (8-Wisdom)

• Alyanah Gayle Santiago, Ronnie Paraiso Jr. (9-Charity)

• Sophia Aparecion Franco, Gabriel Zak Santos (9-Empathy)

• Nicci Gebilaguin, CJ Calma (9-Fortitude)

• Anikka Rynne Lee, Keen Amber Zarate (10-Felicity)

• Ria Blessie Sekiguchi, Lemuel Libiran (10-Serenity)

Bago parangalan ang pangkalahatang kampeon ng Buwan ng Wikang Filipino at Kasaysayan 2024 mula sa JHS ay nagbalik-tanaw muna ang mga malilikhain at masisining na yari ng mga mag-aaral na nagpapakita ng makulay at malalim na kultura at kasaysayan ng Pilipinas na itinanghal noong umaga kung saan tila naging museo ang Centrodome. Ang sumusunod ay ang mga nagwagi sa Tagisan sa Museo ng Kasaysayan at Panitikang Pilipino:

TIMPALAK SA TAGISAN SA MUSEO NG KASAYSAYAN AT PANITIKANG PILIPINO

Unang Gantimpala: 

• 10-Felicity

Ikalawang Gantimpala:

• 9-Empathy

Ikatlong Gantimpala:

• 9-Charity

Ikaapat na Gantimpala:

• 10-Serenity

Ikalimang Gantimpala:

• 7-Hope

At sa wakas, pinarangalan bilang pangkalahatang kampeon ng Buwan ng Wikang Filipino at Kasaysayan 2024 ang pangkat na 10-Felicity.

Bilang pagtatapos sa programa at pagsasara ng pagdiriwang ng Buwan ng Wikang Filipino at Kasaysayan 2024, nagbigay si Bb. Christian Mae Fernando, Tagapangulo ng Buwan ng Wika 2024 sa JHS, ng pasasalamat at pangwakas na pananalita. Nag-iwan siya ng katanungan sa mga mag-aaral na "Anong pwede mong gawin para sa Pilipinas?". Sinundan ito ng pag-awit ng Himno ng Centro Escolar.